Categories
Чөлөөт

ЭХИЙН ХАЙРЫН ХҮЧ БУЮУ “БИ ЧАМД ХАЙРТАЙ” ГЭХ ҮГНИЙ ЭДГЭЭХ ЧАДАЛ

Эхийн аврагч хүчний тухай олон томоохон жишээ түүхэнд хадгалагдан үлдсэн байдаг. Харин энэ талаар сүүлийн үед эрдэмтэн, эмч нар сонирхож эхлэсэн. Ингэснээр хүүхдээ хайрлах эхийн хайр хүүхдээ хамгаалахаас гадна тэднийхээ олон төрлийн таагүй өвчнийг нь ямар ч эм тангүйгээр, эмчилгээний элдэв аргагүйгээр хайрынхаа хүчээр эмчилдэг болохыг тогтоожээ. Гэхдээ үүнийг маш ихээр хүсэж, мөн таныг хүүхэдтэй чинь цусан холбоо холбож байгааг мартаж болохгүй. Хэрвээ жирэмсэн эхийн цусанд “аз жаргал баяр баясгалангийн хими” байвал ураг хэвийн хөгжинө. Харин “стресс, айдас, сэтгэл санааны дарамттай байдал” зэрэг байвал ургийн эрүүл мэнд, зан аашинд муугаар нөлөөлдөг. Гэдсэнд байгаа хүүхэд 4-5 сартайгаасаа л эцэг эхийнхээ дууг таньдаг. Тиймээс эцэг эхчүүд хоорондоо болон гэдсэнд байгаа хүүхэдтэйгээ ямар дуу авиагаар ярихаа сайтар бодох хэрэгтэй. Хэрвээ хүүхэд байнгын хэрүүл маргааан, орилоон хашхираан дунд байвал тэрээр уур уцаартай, түрэмгий хүн болж төрнө хэмээн сэтгэл зүйчид үзэж байна. Хүүхэд ба эхийн хооронд сэтгэл хөдлөлийн хамтын талбай оршдог. Сайн ээж хүүхэд нь нэг л биш байгааг зүрхээрээ мэдэрдэг. Бас ээж нь өвдөхөд хүүхэд уцаартай болдог. Сэтгэл судлаач, алдарт профессор Б.З.Драпкин хүүхдийн олон өвчнийг эмчлэх аргыг нээсэн бөгөөд хамгийн чухал нь эх хүн жирэмсний хугацаандаа эерэг сэтгэл санаатай байж, төрөнгүүт нь эмээ, өвөө, асрагчид орхиж болохгүй хэмээжээ.
Хэрвээ хүүхдийн амьдралын эхний жилд ээж нь хамт байгаагүй бол дараа нь тэрхүү өнгөрсөн жилийг нөхөхөд ээжид нь нэг жил хагасын хугацаа хэрэгтэй болно хэмээн эхийн хайраар эмчлэх тухай номондоо профессор бичжээ. Хэрвээ ээж нь хоёр жил хамт байгаагүй бол эхэд дараа нь 2-3 жил хэрэгтэй болно. Хэрвээ бүр 3 жил хамт байгаагүй бол эх нь дараа нь юу ч хийсэн байсан хүүхэд нийгмийн гаж үзэлтэн ба олон төрлийн эмгэг өөрчлөлттэй болно. ХҮҮХДЭДЭЭ ЭМ ӨГӨХ ГЭЖ БҮҮ ЯАР Олон хүн хүүхэд ахуйгаасаа л хайрыг хангалттай ихээр мэдрээгүй өссөн байдаг. Үүнээс л бүх асуудал үүсдэг. Эрүүл мэнд муу, ажил төрөл өсөлтгүй, гэр бүлийн харилцаа нэг л болж өгөхгүй байна. Эхийн хайр дутагдсанаас мэдрэл-сэтгэц ба сэтгэц биеийн өвчнүүд хүүхдэд бий болох маш хүнд тохиолдлууд байдаг. Гэхдээ оюун ухааны болон бие махбодийн дутуу хөгжилтэй, харилцааны болон биеэ авч явах тал дээр асуудалтай хүүхдэд янз бүрийн сэтгэцэд нөлөөлөх эм чихэх хэрэггүй. Профессор Драпкин өөрийн жаалхан өвчтөнгүүдэд дээрх эмнүүдийн сөрөг үр дүн илэрч байхыг олон удаа ажигласан бөгөөд өөр дээрээ туршиж үзээд ийм идэвхтэй эмнүүдийг хэрэглэсэн хүүхдүүдэд ямар хэцүү байдгийг мэдсэн ба үүнээс үндэслэн сэтгэц нөлөөт эмчилгээнээс гадна өөр эмчилгээг хайж эхэлжээ. Өөрийн номондоо эхийн хайрын эмчилгээний тусламжаар сэтгэл зүйчид ямар ч найдваргүй хэмээж байсан шизофрени өвчин, тэнэгрэл, амиа хорлох завдалтай нийгмийн гаж үзэлтэнгүүд зэрэг олон хүүхдийг эмчилсэн тухайгаа бичсэн байдаг. Энэ арга нь бид ээжтэй нь үг хэлээ ололцоогүй байх, эсвэл ээж нь үүнийг хүсэхгүй хамтран ажиллахыг хүсэхгүй байх үед л үр дүнгүй болно. Энэхүү эмчилгээний гайхалтай арга нь эцэг эхчүүдийг тэр дундаа ээжүүдийг хүүхэдтэйгээ хэрхэн ярих тухайгаа бодоход хүргэж байгаа билээ. Сэтгэл судлалын талаас авч үзэхэд үг бол ухамсар болон дотоод ухамсраар дамжуулах бүх бие махбодид нөлөөлөх хязгааргүй боломжийг агуулах маш хүчтэй хүчин зүйл юм. ӨДӨРТ ЕРДӨӨ Л 15 МИНУТ ЗАРЦУУЛ Профессор Драпкинд хандаж буй ээж бүрт эхлээд сэтгэцийн хэдэн ээлж эмчилгээний үндсэн программыг өгдөг. Энэ нь өдөрт дөнгөж 15 минут үргэлжлэх программ бөгөөд үүнийг зааавал биелүүлэх ёстой. Хүүхэд унтсанаас хойш ойролцоогоор 20-30 минутын дараа хүүхдийнхээ хажууд суугаад программаа гартаа авна. Цээжилж амжаагүй бол унш. Таны гар хүүхдийн чинь гарын эсвэл толгойн орчимд байх ёстой. Программ өгүүлбэрээс бүтдэг. Өгүүлбэрүүдийг уншаад дараа нь та тэдгээрийг бодлоороо дамжуулан, бодлоо түүний ухамсарт оруулж байгаа мэт хүүхдэдээ өгнө. Бодол бол бодит. Та үүнийг мэднэ. Дараа нь тэдгээр өгүүлбэрүүдийг түүнд давтан сонсгоно. Ингэж бүх программын дагуу тайван удаан ярихыг хичээж эх бүхий л итгэл хайраа хүүхдэдээ илгээнэ. ХҮҮХДЭЭ ЭМЧЛЭХ 4 АРГА БУЮУ ЭХИЙН ШИДЭТ ҮГС Сэтгэл зүйчдийн батлаад байгаа хүүхдийн сэтгэл санаа, биеийг эмчлэх энэхүү шидэт үг нь ямар үг вэ? Унтаж байгаа хүүхдийн орны дэргэд хэлэх ёстой эдгээр өгүүлбэрийн утгыг хянан бодох хэрэгтэй. Өөрийн суурь программыг Драпкин 4 блокт хуваадаг. Эхний блок. Эхийн хайрын амин дэм • Би чамайг маш, маш их хайрладаг • Чи надад байгаа хамгийн үнэт эрдэнэ • Чи миний мах цусны хэсэг • Би чамгүйгээр амьдарч чадахгүй
• Аав ээж хоёр нь чамайг маш их хайрладаг. Хоёрдугаар блок. Биеийн эрүүл мэнд (ярьж байхдаа өөрийн хүүхдийг төгс төгөлдөр эрүүл хүчтэй хэмээн төсөөл) • Чи хүчтэй, эрүүл, хөөрхөн хүү (охин).
• Чи хоолоо сайн иддэг тиймээс чи түргэн өсөж хөгжиж байгаа • Чиний зүрх, цээж бас гэдэс чинь эрүүл бас хүчирхэг сайн • Чиний арьс чийглэг, гөлгөр бас зөөлөн • Чи хөнгөн бас гоё хөдөлгөөнтэй
• Чи эрүүл, хүчирхэг маш ховор, хааяа л өвддөг Гуравдугаар блок. Сэтгэл мэдрэлийн эрүүл мэнд
• Чи маш тайван хүү (охин) • Чиний мэдрэл маш сайн, бат бөх • Чи маш ухаалаг хүү (охин) • Чиний толгой бас ухаан чинь сайн хөгжиж байгаа • Чи инээх дуртай чиний сэтгэл санаа байнга сайхан байдаг, • Чи сайн унтдаг • Чи амархан унтдаг • Чи байнга сайхан зүүд зүүдэлдэг • Чиний ярих чадвар түргэн бас сайн хөгжиж байгаа Дөрөвдүгээр блок. Сэтгэл хөдлөлийн үр дүн, өвчнөөс чөлөөлөх (ардын эмчилгээний аргаас) • Би чиний өвчнийг авч хаялаа • Би аваад хаялаа (хүүхдэдээ байгаа асуудлуудыг дэс дараалуулан дурдана). • Би чамд маш, маш их хайртай Эмчилгээний үе бүхэн “Би чамд маш их хайртай” гэсэн үгээр дуусах ёстой. Үндсэн бүх программ маш эерэг байх ба энд ямар ч “үгүй” гэдэг үг байхгүй юм. Ийнхүү ээж нь хүүхдэдээ хамгийн сайн, аз жаргалтай, эрүүл бас итгэлтэй байх нөхцлийг өгч байгаа бөгөөд энэ нь боломжтой зүйл юм. Та энэ ашигтай, сонирхолтой аргыг туршиж үзээд үр дүнг нь мэдрээрэй.

МҮЭХ: ИРГЭДИЙН ЦАЛИН, ТЭТГЭВРИЙГ ЯАРАЛТАЙ НЭМЭГДҮҮЛЭХ ХЭРЭГТЭЙ Дэмжиж байвал 1 гэж бичээд ШЕЙР!!! МҮЭХ-ноос Засгийн газрын тогтоолтой холбоотойгоор үйлдвэрчний эвлэлийн холбоод мэдээлэл хийлээ.МҮЭ-ийн Хөдөлмөр, нийгмийн хамгааллын бодлого төлөвлөлтийн газрын дарга М.НЯМДАВАА: “Төсөв зардлыг хэмнэх, орон тооны давхардлыг арилгах, цалин хөлсийг нэмэгдүүлэхгүй байх Засгийн газрын тогтоол гарсан. Энэ нь төрийн захиргааны албан тушаалтанд хамааралтай гэсэн. Гэтэл энэ нь төрийн үйлчилгээний ажилтан, багш нарт үйлчилж байгаа тул энэ тогтоолыг дэмжихгүй байна. Цар тахалтай холбогдуулан өргөн хэрэглээний барааны үнэ нэмэгдэж, иргэдийн худалдан авах чадвар буурч байна. Тиймээс Засгийн газар шатахуун, өргөн хэрэглээний барааны үнийн өсөлттэй холбоотой цалин, тэтгэврийг нэмэх шаардлагатай байна” гэлээ. Г.Өнөрбаяр: Таван жилийн дунджаар тэтгэвэр тогтоосноор нэг хүний тэтгэвэр 15 мянган төгрөгөөр нэмэгдэнэ УИХ-ын чуулганы хуралдаанаар Нийгмийн даатгалын сангаас олгох тэтгэвэр, тэтгэмжийн тухай хуульд өөрчлөлт оруулах тухай хуулийн төслийн хэлэлцэх эсэхийг хэлэлцэж байна. Өчигдөр тус хуулийн төслийг НББ-ны байнгын хороо хэлэлцээд хэлэлцэхийг дэмжсэн билээ. Хуулийн төслийг УИХ-ын гишүүн Б.Пүрэвдорж нарын гишүүд өнгөрсөн дөрөвдүгээр сард өргөн барьсан юм. Хэлэлцэж байгаа асуудалтай холбоотойгоор гишүүд асуулт асууж, хариулт авлаа.УИХ-ын гишүүн Ж.Сүхбаатар: Энэ асуудлыг шийдсэнээр хэдэн төгрөгийн зардал гарах вэ. Иргэдийн санал хүсэлтийг авсан уу. Нэмэлт зардлуудаа хасаад тэтгэврээ нэмэгдүүлэх шаардлага байна. Энэ тал дээр байнгын хороо ямар байр суурьтай байна вэ.ХНХЯ-ны Төрийн нарийн бичгийн дарга Г.Өнөрбаяр: Манай яамнаас Нийгмийн даатгалын багц хуулийн төслийг өргөн барьсан. Хуулийн төсөлд таны ярьсан зүйлийг бүгдийг нь тусгаж оруулсан. Жилд 30 мянга орчим хүн тэтгэвэр тогтоолгож байгаа. Үүний 70 орчим хувь нь тэтгэврийн доод хэмжээгээр тэтгэврээ тогтоолгодог. Үлдэж байгаа хүмүүсийн цөөн хувь дээр энэ дараалсан таван жил гэдэг асуудал яригдана УИХ-ын гишүүн Б.Пүрэвдорж: Долоон жилийн хугацаанд хүмүүс ажлаа сольдог, завсарддаг асуудал байдаг. Тиймээс долоон жилийн дунджаар тэтгэвэр тогтоолгох нь иргэдэд маш их хохиролтой. 2022 оны төсөв дээр 10 гаруй тэрбум төгрөгийн хөрөнгө шаардагдана.УИХ-ын гишүүн Г.Амартүвшин: Засгийн газрын өргөн барьсан хуультайгаа хамт хэлэлцээд явж болдоггүй юм уу. Сүүлийн таван жил өндөр цалин авсан хүмүүс илүү хожоод, бусад ахмадуудад ямар ч ялгаагүй юм биш үү. Энэ хуулийг баталснаар ямар хэмжээний санхүүжилт шаардлагатай вэ. 2022 оны төсвөө баталчихсан. Санхүүжилтээ яаж шийдэх юм бэ?УИХ-ын гишүүн Б.Пүрэвдорж: МАН-ын бүлэг энэ хуулийг хэлэлцэхийг дэмжчихээд багц хуультай хамт хэлэлцье гэдэг санал тавьсан. Гэхдээ энэ хууль бол ирээдүйд тэтгэвэрт гарах хүмүүсийн тэтгэврийг тогтоохдоо таван жилээр тооцно гэж байгаа. Эрт тэтгэвэрт гарсан хүмүүсийн асуудал тусдаа асуудал. Энэ хуулийг баталбал бид олон ахмадынхаа тэтгэврийг 500 мянга болгох боломж бүрдэх юм. УИХ-ын гишүүн Б.Чойжилсүрэн: 2016-2021 онуудад улсын төсвөөс тэтгэврийн санд хэдэн төгрөг шилжүүлсэн бэ. НДШ-ийг 20-иос 25 хувь болгох, тэтгэврийн дунджийг 7 жилээр тооцох гэдэг асуудлыг би Сангийн сайд байхдаа батлуулж байсан. Тэтгэврийн санд ямар хэмжээний нэмэлт дарамт ирэх вэ?Тэтгэврийн сангийн орлого зарлага улсын нэгдсэн төсөвт тооцогдож явдаг. Ирэх оныхоо төсвийг баталчихсан. Жил бүхэн 120 орчим тэрбум төгрөгөөр нэмэгдэнэ. Ингэснээр НДС-д жил бүхэн улсын төсвөөс 800 орчим тэрбум төгрөгийн татаас өгнө. Ард түмэнд таалагдаж гоё юм ярьж болно. Гэхдээ байгаа юмаа тараадаг, хуримтлуулдаг юмгүй байх нь зөв үү.УИХ-ын гишүүн Б.Пүрэвдорж: 2021 онд 35 мянган тэтгэвэрт гарсан. Үүний 70 хувь нь хувь тэнцүүлсэн болон бүрэн тэтгэврийн доод хэмжээгээр тэтгэвэр тогтоолгосон. Жилд дөрөвхөн тэрбум төгрөг хэмнэхийн төлөө ахмадуудынхаа эрх ашгийг хохироох ёсгүй байсан юм. Энэ шийдвэр төрд иргэдийн итгэх итгэлийг алдагдуулсан. ХНХЯ-ны Төрийн нарийн бичгийн дарга Г.Өнөрбаяр: 2016 онд улсын төсвөөс 494, 2017 онд 570.3, 2018 онд 609.8, 2019 онд 605.5, 2020 онд 400, 2021 онд 603.5 тэрбум төгрөгийг НДС-д татаас болгож өгч байгаа. 2022 онд улсын төсвөөс 459.8 тэрбум төгрөг өгнө. Долоон жилийг таван жил болгосноор тэтгэвэр огцом нэмэгдэх юм шиг буруу ойлголт өгч болохгүй. Нэг хүний тэтгэвэр 15 мянган төгрөгөөр нэмэгдэнэ.

Leave a Reply

Your email address will not be published.